أنا مورة عندى 17 سنة اعز اصدقائى هي سولى 17 سنة برضه وهى شريكتى في المدونة ديه .سولى قصت شعرها النهارده باْت زي القمر وخلتنى انا كمان نفسي اقص شعرى يا سبحان الله اللي يشوفنا دلوقتى مايشوفناش زمان اول مرة شوفت فيها سولي كان عندنا 3 سنين مامتي كانت بتزور مامتها بحكم الصداقة انا كنت الطيبة وعلنياتى أما سولى كانت المتشردة الشقية اول ما شفت عروستها اخدتها فى ايدى وقولت ببراءة( تعتى) ويارتنى ما قولتها بهدلتنى وشدت شعرى وانا برضه ببراءة قولتلها الله يسمحك يوميها رجعت بيتنا شعرى منكوش من كتر الشد !!!
دلوقتى اتبدل الحال انا اخدت دور الشقاوة وسولى اخدت دور الهدوء برغم اختلاف شخصيتنا تماما” الا اننا بنحب بعض جدا” مش متفقين نهائى في الستايل اللبس والاغانى ولكن ماحدش بيفهمنى ادها ولا حد بيفهمها ادى
نوفمبر 21, 2007 عند 7:12 ص
حكايات شقية
ودمها خفيف مثل كل البنات المصريات
نوفمبر 21, 2007 عند 3:07 م
أما شقاوة وآخر طعامة بنات قمرات زى الشربات أيه المدونة الطعمة الشقية دى وأـيه الحواديت اللى رمتنا من تانى في أحضان الطفولة مبروك المدونة
نوفمبر 23, 2007 عند 5:26 م
نوفمبر 25, 2007 عند 11:54 م
اوكد لك انك لن تندمى لو قصيتى شعرك
ده تغيير مطلوب
انا قعدت 10 سنين لم اقصة ثم قصيتة بعدها اتجوزت
هاااهاااا
زوروا مدونتى الخاصة بالزواج والاسرة
ما الارض الا وطن واحد
http://egyptianbahais.blogspot.com
نوفمبر 30, 2007 عند 11:13 ص
عاوزين حكايات تانيه ياعالم عجبتنا المدونه والله بس أنتم فين ؟
ديسمبر 9, 2007 عند 3:45 ص
الحقيقة مش عالرفة ياوفاء هما اختفوا فين
ديسمبر 12, 2007 عند 3:45 ص
احنا رجعنا تاني ومش هنغيب عليكوا كتير تاني وشكرا على التعليقات
يناير 28, 2008 عند 2:27 م
انا كمان عندي صديقة احبها اكتر من اختي اسمها هبة .
دايما بنتخاصم بس نرجع بعد شهر شهر و نصف احنا مختلفتان بس بنفهم بعضنا على الرمش في حاجة مش فاهماها انو احنا بنحب بعضنا بس ابعدنا كتير على بعضنا و اصبحنا ما نختم الاسبوع الا بمشاجرة .
ياريت تنصحوني شو اعمل علما اننا تحدثنا في الموضوع كثيرا و لكن لم نتوصل الى حل .
الصديقة الحائرة نهوند
يوليو 5, 2008 عند 2:45 ص
فى بعض الاحيان يختلف الاشخاص فى تحليل بعض المواضيع فمنهم من يتشاجر ويتعصب ويزعل ويتخاصم ويبتعد لفترة. ثم تمر الايام وتهداء النفوس ويتذكر كل شخص صديقه فتعود نشوة اللقاء وماأعز اللقاء بين الاحبا. هذه التصرفات نجدها فى كل الشعوب فتتواجد بين الرجال والنساء. وتختلف نسبية بين شعب وأخر. ولكن الافضل على الاشخاص ان يجتنبو الهم والغم ويراعو بعض ولايتداخلو فى امور حساسه تكون سبب بداية زعل فترهق اعصابهم ويظهر علامات الغضب وتسبب الخصام. بل يجب ان يكون لقائهم لانهم يحبو ان يكونو مع بعض فهو لقاء السرور والفرح والمساعد و الغفران.ويكونو صبورين لبعض ويتعرفو من بعض سبب زعلهم ليجدو الحل.