اسفة علي التأخير في الكتابة -ثانوية عامة- ربنا يخليهلنا عطلتني كتير عن حاجات بالنسبالي مهمة مش الكتابة و بس و يا ريت النتيجة كانت كويسة…..
قبل ما تظهر النتيجة بيومين كنت قاعدة علي النت و لقيت واحد زميلي (اون لين ) اسمه احمد عز كان معايا في المدرسة المهم سألته عملت ايه في الامتحانات قالي وحش جدا ((و بالاخص انه علمي رياضة))كويس اني مرمتش نفسي من البلكونة او حتي تحت قطر
قولتله متقولش كدة يا ابني دة علينا كلنا مش عليك انت و بس غير كدة ثانوية ايه اللي تخليك تفكر في الانتحار دة انت مؤمن بالله يا اخي وما يصيبنا غير ما كتبه الله لنا
قالي ونعم بالله بس انا كان نفسي اخش هندسة
قولتله انشاء الله هتخشها ((طبعا بقول اي كلام عشان ارفع من معنوياته ))
قالي مش لو حصلت خدمة اجتماعية (( مع الاعتذار لبتوع خدمة اجتماعية))
قولتله متقلقش المجاميع هتنزل يا احمد و هتخش كلية كويسة
المهم اقعت اقوله معلش و هو مضايق و ضيقني معاه و خلاني اتغم
المهم يوم النتيجة نزلت جبتها من علي النت انا و بابا و كانت الصدمة الكبري جبت مجموع وحش جدا جدا اول مرة في حياتى اجرب الفشل الزريع دة مع اني و الله مش كدة خالص لا داعي اذكره
طلعت بيتنا طبعا في حالة مزرية المهم بفتح التلفزيون و لقيت صورة احمد زميلي دة في التلفزيون اتخضيت قولت هو احمد انتحر و جيبينه من ضحايا الثانوية العامة و لا ايه ؟؟
فوجئت انه من الاوائل العشرة علي الجمهورية جايب 9905% اللي كان بيقول مش هيحصل خدمة اجتماعية 0000
ادعوله ربنا يزود مجموعه كمان و كمان و ادعولي يا رب خدمة اجتماعية تقبلني …………..
يوليو 21, 2008 عند 2:12 ص
ماشاء الله عليه !! ربنا يوفقه ..
وبالنسبه لدرجتك .. هذي ليست نهايه العالم .. انا شخصياً بدأت اول سنه ثانويه بمجموع “وحش جداً” والحمدلله مع آخر سنه حصلت 91%
الكلام ده طبعاً من سنوات والحين لساتي متخرج من الجامعه والحمدلله
عقبالك ان شاء الله
اتمنى لكي مستقبل زاهر ان شاء الله وتحققي أحلامك
يوليو 21, 2008 عند 6:25 م
شكرا ((احمدو)) علي تعليقك و علي رفع المعنويات:)
يوليو 24, 2008 عند 10:51 م
هههههههههههههههههههههههههههههههههههههههههههههههههههههههههههههههههههههههههههه
متزعليش قوي كده تقريبا نسبة 95% من الناس أخدوا نفس الصدمة دي وانا واحد منهم بس صدقيني مش دي نهاية العالم بالعكس دي بداية الدراسة الحقيقية في كل مجال وكل شئ يقع تحت إيديك أو تحت عينك انا واحد من الناس أصحاب المجاميع الفظيعة اللي بتودي خدمة إجتماعية ولما دخلت الخدمة الإجتماعية إترفدت بسبب البطاقة من أول سنه والحياه بالنسبة ليا كانت سوداااااااااااااااااااااا جدا بس حسيت إن في إصرار علي قتل عقلي وتفكيري وتوقيفة عند حد معين وكان بداية إصراري علي زيادة معارفي بكل شكل ممكن درست كتير في كل مجال إعتمدت علي نفسي وعلي عقلي ركزت علي هواياتي والحمد لله كل يوم في جديد بعرفة وبتعلمة صدقيني لو كنت دخلت هندسة مكنتش هعرف كل ده كان ممكن تبقي حياتي ومعرفتي محصورة في جانب معين من الحياة بس انا دلوقتي عقلي زي الطير الحر بينتقل من شجرة لشجرة الحاجة اللي حابب أتعلمها بتعلمها مهما تعبت بس بكون سعيد جدا وبكون مميز فيها لأن ده اللي بكون عايزة فعلا جميل إن يكون لينا عقل والأجمل إن ميكنش له حدود