كل سنة و انتوا طيبين بمناسبة العيد و من اجل تلك المناسبة جمعت شويت نكت و صور يا رب تعجبكم

هو العلي الاعلي

اصل كل الخير

هو الاعتماد علي الله و الانقياد لامره و الرضاء بمرضاته

اصل الحكمة

هو الخشية عن الله عز ذكره و المخافة من سطوته و سياطه و الوجل من مظاهر عدله و قضائه

رأس الدين

رأس الدين

هو الاقرار بما نزل من عند الله و الاتبع لما شرع في محكم كتابه

اصل العزة

هو قناعة العبد بما رزق به و الاكتفاء بما قدر له

اصل الحب

هو اقبال العبد الي المحبوب و العراض عما سواه و لا يكون مراده الا ما اراده مولاه

رأس الفطرة

هو الاقرار بالافتقار و الخضوع بالاختيار بين يدي الله الملك العزيز المختار

رأس التجارة

هو حبي , به يستغني كل شئ عن كل شئ و بدونه يفتقر كل شئ عن كل شئ و هذا ما رقم من قلم عز منير

رأس الايمان

هو التقلل في القول و التكثر في العمل ,و من كانت اقواله ازيد من اعماله فاعلموا ان عدمه خير من وجوده و فناءه احسن من بقائه

اصل كل الشر

هو اغفال العبد عن مولاه و اقباله الي هواه

اصل النار

هو انكار آيات الله و المجادلة بمن ينزل من عنده و الاعراض عنه و الاستكبار عليه

رأس الذلة

هو الخروج عن ظل الرحمن و الدخول في ظل الشيطان

رأس كل ما ذكرناه لك

هو الانصاف و هو خروج العبد عن الوهم و التقليد و التفرس في مظاهر الصنع بنظر التوحيد و المشاهدة في كل الامور بالبصر الحديد

اصل الخسران

لمن مضت ايامه  و ما عرف نفسه كذلك علمناك و صرفنا لك كلمات الحكمة لتشكر الله ربك في نفسك و تفتخر بها بين العالمين

لسة برضه في ناس مش فهمة و كل اللي بتعمله هو ترديد كلام سمعوه و يجرحوا فينا و خلاص . مبيفكروش قبل ما يطلعوا الكلام دة علي لسانهم يسألوا الكلام دة مضبوط و لا لأ
انا بهائية الديانة و اتربيت علي اني احترم اراء الاخرين طب ليه الاخرين مش بيحترموا رائينا ؟
انا بكتب اللي بكتبه و انا فعلا مضيقة دلوقتي لان لسة في ناس بيشتمونا من غير وجه حق و للاسف انا متعلمتش ارد علي الحاجات البشعة دي .
عشان كدة قررت اكتب عن ديني البهائي عشان اللي مش فاهم يفهم و اللي واخد صورة غلط يصححها و ميجرحش في ناس متستهلش التجريح
1- ما هو البهائي و ما معني ان يكون الشخص بهائيا؟
“لان تكون بهائيا يلزمك ان تحب العالم و تحب الانسانية و ان تجتهد في خدمتها و تعمل للسلام والاخوة العامة”
“انه هو الشخص المتحلي بالكمالات الانسانية في الحياة العملية”
” ان الذى يعيش طبفا لتعاليم حضرة بهاء الله هو بهائي و لا يسير طبقا لتعاليم بهاء الله فأنه ليس بهائيا و لو عاش خمسين سنة متخذا هذا اللقب فان الرجل القبيح ربما سمى نفسه جميلا و لكنه لا يغش احدا”

2- ما الذي تدعو اليه الديانة البهائية؟
في رسالة من حضرة روحية خانم الي الشباب “بالامس القريب سأل سائل حضرة شوقي افندي : ما هوالهدف الذى يرمي اليه البهائي من حياته؟ وقبل ان يعيد علي المولي ايجابته (اذ انني لم اكن حاضرة معهما ) عجبت كيف تكون ايجابته , أتراه أخبر السائل ان هدفنا من الحياة هو عرفان الله ؟ اما هو اكمال اخلاقنا؟….. انني لم احلم قط بالاجابة التي تفضل بها فقد قال:”ان الهدف الذي يكرس له البهائي حياته هو اعلاء وحدة العالم الانساني ….. فهدف حياتنا كله مرتبط بحياة الجنس البشري , فنحن لا نبغي خلاص ارواحنا الفردية بل نبغي خلاصا عالميا “
“يا ابناء الانسان هل عرفتم لم خلقناكم من تراب واحد لئلا يفتخر احد على احد و تفكروا في كل حين في خلق انفسكم اذا ينبغي كما خلقناكم من شئ واحد ان تكونوا كنفس واحدة بحيث تمشون علي رجل واحدة و تأكلون من فم واحد و تسكنون في ارض واحدة حتي تظهر من كينوناتكم و اعمالكم و افعالكم ايات التوحيد و جواهر التجريد هذا نصحي عليكم يا ملأ الانوار فانتصحوا منه لتجدوا ثمرات القدس من شجر عز منيع”

و في النهاية……………. “يا ذا العينين اغمض عينا و افتح عينا , اغمض عينا عن العالم و العالمين , و افتح الاخري علي جمال قدس المحبوب.”

اسفة علي التأخير في الكتابة -ثانوية عامة- ربنا يخليهلنا عطلتني كتير عن حاجات بالنسبالي مهمة مش الكتابة و بس و يا ريت النتيجة كانت كويسة…..

قبل ما تظهر النتيجة بيومين كنت قاعدة علي النت و لقيت واحد زميلي (اون لين ) اسمه احمد عز كان معايا في المدرسة المهم سألته عملت ايه في الامتحانات قالي وحش جدا ((و بالاخص انه علمي رياضة))كويس اني مرمتش نفسي من البلكونة او حتي تحت قطر

قولتله متقولش كدة يا ابني دة علينا كلنا مش عليك انت و بس غير كدة ثانوية ايه اللي تخليك تفكر في الانتحار دة انت مؤمن بالله يا اخي وما يصيبنا غير ما كتبه الله لنا

قالي ونعم بالله بس انا كان نفسي اخش هندسة

قولتله انشاء الله هتخشها ((طبعا بقول اي كلام عشان ارفع من معنوياته ))

قالي مش لو حصلت خدمة اجتماعية (( مع الاعتذار لبتوع خدمة اجتماعية))

قولتله متقلقش المجاميع هتنزل يا احمد و هتخش كلية كويسة

المهم اقعت اقوله معلش و هو مضايق و ضيقني معاه و خلاني اتغم 

المهم يوم النتيجة نزلت جبتها من علي النت انا و بابا و كانت الصدمة الكبري جبت مجموع وحش جدا جدا اول مرة في حياتى اجرب الفشل الزريع دة مع اني و الله مش كدة خالص لا داعي اذكره

طلعت بيتنا طبعا في حالة مزرية المهم بفتح التلفزيون و لقيت صورة احمد زميلي دة في التلفزيون اتخضيت قولت هو احمد انتحر و جيبينه من ضحايا الثانوية العامة و لا ايه ؟؟

فوجئت انه من الاوائل العشرة علي الجمهورية جايب 9905% اللي كان بيقول مش هيحصل خدمة اجتماعية 0000

ادعوله ربنا يزود مجموعه كمان و كمان و ادعولي يا رب خدمة اجتماعية تقبلني …………..

الحياة دي غريبة الزمن بيجري بينا بسرعة انا فكرة امبارح كان عندي خمس سنين و كنت بلعب و

بجريزيي زي بقيت الاطفال و مرة وحدة اخدوني اهلي من وسط التنطيط و الجري و قلولي خلاص انت معوتيش صغيرة انت كبرتي!

ليك حدود في تصرفاتك ولبسك و مضحكيش بصوت عالي  تاكلي براحة عشان دة الاتيكيت و كلام كدة الواحد مش فاهم منه حاجة و هي دي الدنيا فكرت و قلت لنفسي ان الحياة بتجري بسرعة اوي امبارح كنت طفلة و انهاردة انا شابة و بكرة هبقي ام و هكون مسؤلة عن تربية اطفال ايوة تربية اطفال .

انا عارفة كويس ان تربية الاطفال دي مش حاجة سهلة لان الطفل عبارة عن بذرة لو معتنتش بيها مش هتكون شجرة مثمرة مفيدة .

اهم حاجة التربية الاخلاقية للطفل و علي اسسها ممكن الطفل يكون عالم لان احنا عارفين ان التربية الاخلاقية بتولد عند الطفل حس المسؤلية و وجبه نحو كل شئ .

(ان مدارس العلوم هذه يجب ان تكون في نفس الوقت معاهد علم و اخلاق و ان يكون فيها الاهتمام بالادب و الاخلاق اكثر من الاهتمام بالعلوم و الفنون ؛ فالافضلية للادب و حسن الاخلاق ، و ان لم تهذب الاخلاق تصبح العلوم سببا للمضرة . العلم و المعرفة ممدوحان ان اقترنا بحسن الآداب و الاخلاق و الا اصبحا سما قاتلا و آفة مخيفة . الطبيب الخائن و السئ الاخلاق يسبب الهلاك و هو علة لشتي الامراض ،ان القضية التي يجب ان تلقي كل انتباهكم هي ان تعلم الآداب و الاخلاق و تحسين الاطوار و الاعمال هي الاساس الاول للمدرسة )

من كتاب التربية و التعليم . و اذا كنت عايز تعرف ازاي تربي ابنك تربية اخلاقية انتظرونا الاسبوع القادم مع حكاية بنت مصرية .

مورا

دخل الدكتور قاعة الدراسةوقال للطلاب (صباح الخير ):
ردعليه محمدالمازم وقال(يا اهلا والله بهاطلة اشتقنا لعيونك والله).
قال الدكتور : خلونا نراجع المحاضرة الماضية رد عليه
عبد الله رويشد:( اللي نساك انساه).
قال الاستاذ لعمرو دياب ( قوم اشرح المحاضرة الماضية ) رد عليه
( ما بلاش نتكلم في الماضي )
التفت الاستاذ لمحمد فؤاد لما لقاه بيتكلم مع اللي جنبه وقام ضربه ومحمد فؤاد بيقوله:
(هاردهالك مش هنسهالك).
وطلع الاستاذ وشاف مجد القاسم نايم قاله ( قوم اقف على رجلك وكلمني )
رد عليه مجد القاسم وقاله:( غمض عنيك واحلم معايا )
بعدين فتش الاستاذ في دفتر ايهاب توفيق لقاه ناقص ( قاله ايه ده ؟ )
قاله ايهاب: (اكتر من كدة ايه ).
وعاقب الاستاذ ايهاب وقال و (الله انكم لمضيعة للوقت خلونا نشرح المحاضرة اليوم ).
وقال لنوال الزغبي (اشرحي المحاضرة )ومعرفتش تشرح حاجة خالص قلها الاستاذ ( ليه مش عارفة انتي ما حضرتيش ليه المحاضرة اللي فاتت؟)
ردت عليه نوال وقالت(حاسب نفسك الاول).
والتفت يدور على حد تاني يشرح المحاضرة فلقى ديانا حداد عمالة تكتب ومنهمكة جدا في الكتابه سالها وقلها ( مشغولة وبتفكري في ايه؟ )
قلتله ديانا:( في اللي فبالي ولا على بالو).
وتجنن الاستاذ وقال لهم (والله انكم عالم ما منكم خير )وهو طالع من القاعة شاف القاعة مش نضيفة فسالهم ( مين المسئول عن نظافة القاعة اليوم؟ )
رد كاظم ( انا وليلى).
قام الاستاذ وعاقب كاظم وجه يضرب ليلى لما لقاها بتتكلم مع اللي جنبها فملقاش حاجة يضربها بيها غير براية بلاستيك ورماها فجت الضربة في دماغ اصالة
فصرخت اصالة وقالت ( يا مجنون مش انا ليلى).
وجه جورج وسوف متاخر وقله الاستاذ انت تاخرت ليه يا محترم ؟
قله جورج ( انا اسف لاني ماكنش غصب عني).
وفي النهاية قرر الاستاذ يخلي المحاضرة الاسبوع القادم وساب القاعة ومشي فقاموا كلهم يصرخوا زي المهابيل ويــــــــــــــــــــــــــــــــــــــقـــــــــــــــــولــــــــــــــــــــــــــــــوا :
( ده حلمــــــــنـــــــــــا طـــــــــــول عمــــــــــــــــرنــــــــا)

دي حاجة بسيطة كدة وخفيفة الدم عشان الموضوع علشان يفك التشاؤم بتاع المرة اللي فاتت ويارب تكون عجبتكوا وما تكونش دمه تقيل )  (2na solly)

الاسم:مورا

السن :17

تاريخ الانتاج:1/10/1990

تاريخ الانتهاء: الله اعلم

تاريخ الصلاحية :”دة علي اساس ان انا علبت سردين؟؟“

السنة الدراسية: ثانوية عامة (عنق الزجاجة و خناءتني)

الشخصية :كتييييييييرة و لسة معرفتش مين هي مورالحد دلوقتي

الحالة المزجية: متقلبة لتقلب البشر و تقلب شخصيتي

امال و احلام:تنقسم اللي قسمين دينية و مادية

اولا الدينية : نفسي احج و نفسي الناس كلها تعرف حقيقة الامر المبارك و تتهدي و نفسي اموت و انا انسانة صالحة عشان اكون مع اولياء الله الصالحين ميسبونيش و لا اسيبهم

امال مادية:اكيد عيزة اجيب مجموع في الثانوية العامة و ادخل الكلية اللي بحبها (فنون جميلة ) و حاجة كمان نفسي اكون مخرجة واطلع افكاري وقصصي في صورت افلام يستفيد منها الناس و ايضا انا. نفسي الف الدنيا كلها اروح كل مكان فيك يا كوكب الارض و لو توصل اني اطلع الفضاء و المريخ و القمر يبقي الف بركة و نفسي اعرف ناس من كل مكان في الارض من كل الاجناس اصلي بحب تبادل الخبرات انا استفيد من الدماء الاخري و هما يستفيدوا من الدم المصري بتاعي

امال واحلام اخرى: نفسي الناس كلها تحب بعضها و لما ادي قيمة لحد القيه ادها مش كل ما قول دة قيمته عالية القي انه ميستهلش ربعها اكتر حاجة حلوة اني عندي اب ملاك بمعني الكلمة و ام بتحبنا و بتاف علينا من الهوة و بتطحن نفسها عشان خاطرنا و نبي لما حد يتربي في الجو دة يطلع ايه؟   انا عن نفسي طلعت رفعة الراية البيضا مع الكل و فاكرة ان كل الناس مليكة زي اهلي بس لقيت حياة تانية كل المليكة فيها مشوهين كله بيكلم علي كله حتي انا بقيت بكلم علي الناس معأني و الله بحاول ابطل ما انا برضه التربية مأثرة فيا بس خلاص انا مبأتش اتصدم زي الاول عشان حضرة عبد البهاء قال ان احنا لازم ننظر للاشياء بعين الكمال و اذا شفنها نقصة يبقي العيب فينا. انا لازم ارجع ابص للناس تاني علي انهم مليكة مع اني كدة كدة بنسي و مباشلش ما دة برضه من اثر التربية

العاطفة : جياشة طول الوقت برغم اني لسة ملأتش ابن الحلال الا اني بعيشها في خيالي في حواديتي اللي بألفها في اصحابي زي ياسمين لما تكامني عن اهلها و بتخليني اموت من الضحك لما رانيا تسمعني اغنية عجبتها بسألأ نفسي يمكن هو دة السبب اللي مخليني مفكرش في حد لاني مش محتاجة حد يحسسني بالرومانسية لاني موجودة فيه طول الوقت طب لما اكبر بقي و محبش دي هتبقي مشكلة كبيييرة عشان انا مش ناوية اجوز غير واحد احبه و يكون محترم و يحبيني اكتر من اي شي اخر الا الله و الدين و بعد كدة انا.  ساعات بشطح بخيالي و اروح للمستقبل لقيت ان اكتر حاجة نفسي فيها اني اجيب ولدين و بنت  واتخانء مع جوزي و العيال يصلحونا صحيح اكتر حاجة هتعملي مشاكل في حياتي الزوجية هي الغيره و الكذب لو جوزي مفيهوش الصفتين دول حياتي هتبقي سعيدة و كفاية كدة النهاردة

احنا رجعنا تاني للناس اللي استنونا كتيير واحنا اسفين ومش هنتأخر عليكوا كدة مرة تانية
بس احنا اتفقنا ان كل واحدة هتكتب مرة موضوع خاص بيها
واللي هتكلمكوا النهاردة انا (سولي) ؛
انا عارفة ان في كتير منكوا دخل على المدونة بتاعتنا لان مجرد الاسم شدهم بس لما حب يقرا الموضوع يمكن يحس ان الموضوع غير هادف ؛ والبعض ما دخلش على المدونة لانه حس من اسمها ان الموضوع غير هادف بالمرة ؛ وفي اللي حس انها لذيذة مجاملة لينا او تشجيع اننا لاول مرة بنكتب على المدونة ؛ وفي كتير منكوا ممكن يستغرب انا بقول كدة ليه وان اللي كتبوا مشكورين تعليقات عليها وانا بقدملهم التحية هيقولوا لا والله ديه عجبتنا وكانت لذيذة ؛ كل ده ممكن تعتبروه مقدمة لكلامي او موضوعي اللي احب ادخل فيه ؛ وهو ان في كتير مننا بيحكم على الشيء بشكل متسرع او بيستعجل في الحكم على الاشخاص؛ وفي بعض الناس شايفة ان شباب اليومين دول كلهم تافهين بس الناس اللي بتقول كدة ما سالتش ليه الشباب بتعمل كدة دون النظر ان الكبار اللي بيقولوا علينا كدة كان اهاليهم بيقولوا عليهم كدة برضه ؛ بس بجد الشباب في العصر ده مظلومين في حاجات كتيرة ؛ انا بتكلم كدة لاني بدافع عن شباب جيلي اللي بحس انهم محوطاهم كتير من المشاكل من ( مشاكل للسكن ؛ والبطالة ؛ واللي مش لاقين بطايق وبيطردوا من كلياتهم ؛ واللي تعبان في نظام التعليم الجميل في بلدنا اللي بيخلي الواحد يخرج منه معقد نفسيا” اصلا” بس مضطرين نتعلم احسن من الجهل ؛ وغير مشاكل كل واحد مع اسرته بسبب تفاوت الاجيال والاب والام مباقوش عارفين يفهموا ولادهم ).
وعلشان كدة الشباب حب انه ينسحب بنفسه ومعاه اصحابه يعيشوا حياتهم واخترعوا كلام جديد والفاظ مختلفة يتعملوا بيها مع بعض زى( فكك ؛ ونفض ؛………… الخ) و الشباب مجرد انهم يتقابلوا مع بعض بيتكلموا في مواضيع هادفة وغير هادفة وبيعملوا كل حاجة بيحبوها او يتكلموا في مشاكلهم وبيعملوا كل حاجة نفسهم فيها صح او غلط مباقتش فارقة ؛ وكل ده لان ناقصهم احساس واحد بس هو( الاحساااااااااااس بالأ مـــــــــــــــــــــــــان )؛ و في كتير هيقولي لو كل واحد رجع لدينه ونفذه صح هيحس بالأمان ؛ بس الظاهرة الجديدة اللي بقت موجودة بين الشباب وكل يوم بتزيد هي (اللادينين) وده بسبب انهم مش لاقيين حتى في دينهم الامان وده مش بسبب الدين نفسه ولكن وجود اراء كتييييييييييييييرة في التفسير او اراء رجال الدين وما حدش بقى عارف الصح من الغلط.؟؟؟؟؟؟؟؟!!!!!!!!!!!!!!!!!!!!!!!!!!!!!.